ADN, a axencia de detectives na que traballa Suso Espada, recibe o encargo de investigar un suposto caso de 'mal de ollo'. Nesas anda cando recibe un misterioso correo electrónico do seu curmán Francisco, que vive en México, no que lle pide axuda. Con autorización do seu xefe e sen abandonar o caso no que está a traballar, Suso desprázase a Oaxaca, a cidade onde reside a familia de Francisco. Alí descobre un mundo de delincuencia e de corrupción que alcanza a propia policía e outros estamentos sociais da cidade, pero tamén dá con persoas marabillosas que lle axudan e que lle ofrecen a súa amizade e protección na que é a máis trepidante e perigosa das súas aventuras.
