Portada del libro Cartas de republicanos galegos condenados a morte (1936-1948) - ISBN: 9788499140001

Cartas de republicanos galegos condenados a morte (1936-1948)

Alonso Montero, Xesús

21.98€ / 23.15€ Comprar libro

Xesús Alonso Montero recolle neste libro cento vinte cartas de republicanos galegos escritas despois de que recibiran oficialmente a noticia de que foran condenados á pena de morte. É o momento en que algúns deciden despedirse, por escrito, dos seus: dos pais, dos irmáns, da muller, da noiva, dos amigos... Nalgúns casos, especialmente entre comunistas, do Partido. Ningún xénero literario expresa con máis emoción o drama da Guerra Civil (e das súas consecuencias) que este tipo de cartas escritas polos republicanos nun momento en que toda esperanza estaba perdida. Hai, ademais, despedidas que son especialmente conmovedoras, e outras, dun certo nivel literario, e todas, e cada unha, un documento histórico que nos fai deplorar as que xa se perderon para sempre e as que, por torpeza ou incuria nosa, aínda non foron exhumadas. Un libro clave no proceso de construción da memoria republicana de Galicia que, ademais, constitúe o primeiro corpus epistolar deste xénero, territorio e período que se publica.

Características

  • Título: Cartas de republicanos galegos condenados a morte (1936-1948)
  • Autor: Alonso Montero, Xesús
  • Número de páginas: 560
  • Características: Alto: 220 mm. Ancho: 150 mm. Peso: 823 gr.
  • Año de publicación: Junio, 2009
  • Editado por: Edicións Xerais
  • Colección: Edición Literaria - Crónica - Memoria
  • Lenguaje: Gallego
  • ISBN: 9788499140001
  • Formato: Tapa blanda o bolsillo (con solapas)