Settecento

Calveiro, Marcos

15.81€ / 16.65€ Comprar libro

O badaleo de todos os campaniles de Venecia resoa en canles e pazos da Serenísima República unha mañá do ano de 1739 e, coma nun teatro barroco, álzase o pano deste melodrama para música no que todos os personaxes semellan agochar sentimentos e intencións tras unha branca máscara de Entroido. Baixo a atenta ollada dun alado león de mármore, Antonio Vivaldi prepara a estrea da súa nova opera, quizais a súa derradeira oportunidade de acadar o éxito de antano, mentres procura por un stradivarius perdido que moitos anos máis tarde escoitaremos nos oficios da catedral de Santiago. É, no celme harmónico deste prodixioso instrumento e nas habelenciosas mans do seu intérprete, onde fica o segredo dunha historia de culpa e redención, de amor e desexo, de loita e resignación, de fulgor e decadencia. Quizabes distintas notas para unha melodía arreo repetida na partitura das nosas vidas. Settecento é un intrigante e vertixinoso relato que confirma a Marcos Calveiro como un dos novelistas primeiros do noso tempo.

Características

• Título: Settecento
• Autor: Calveiro, Marcos
• Número de páginas: 192
• Características: Alto: 220 mm. Ancho: 145 mm. Peso: 298 gr.
• Año de publicación: Abril, 2010
• Editado por: Edicións Xerais
• Colección: Edición Literaria - Narrativa
• Lenguaje: Gallego
• ISBN: 9788499140841
• Formato: Tapa blanda o bolsillo (con solapas)